“Familia-nekazariak funtsezkoak dira planetaren etorkizunerako”
Frantzisko Aita Santuaren hitzekin abiatu zen konferentzia, familia-nekazarien lan goraipagarria azpimarratuz.
Munduko Landaguneak antolatutako Familia Nekazaritzari buruzko Mundu-Konferentziak 55 herrialdetatik etorritako 200 parte-hartzaile baino gehiago elkartuko ditu martxoaren 19an hasi eta martxoaren 21erarte. Konferentzian bertan familia-nekazaritzak mundo-mailan aurre egin behar dien erronkak eztabaidatzeaz gain, planetaren ekonomia-, gizarte- eta ingurumen-jasangarritasuna bermatzeko proposamenak ere landuko dira.
Harreran, Martín Uriartek, Mundu Landaguneko presidenteak, gogorarazi du bost urte igaro direla Nazio Batuen Familia-Nekazaritzako Hamardaka (2019-2028) aitortu zenetik. Halere, pandemiaren ondorioz, herrialde askotako sektorearen aldeko politika publiko askok huts egin dute, sektorea berriz lehentasun bihurtuz.
“Familia-nekazaria altxor bat balitz zaindu behar da, gure elikagaien jasangarritasunaren zaindaria baita” adierazi du. Uriartek zehaztu duen gisara, mundo-mailako ekoizpena lau laboretan oinarritzen da: garia, arroza, artoa eta soja, “aniztasuna desagertaraziz, elikagai-sistemak izurrite eta gaixotasunen aurrean ahulduz”.
Askotariko erronkei egin beharko die aurre familia-nekazaritzak eta belaunaldi-oinordetza da, izan ere, erronka nagusienetako bat, sektorearen batez besteko adina 55 urtekoa. Emakumeen eginkizuna bada ere beste erronka handi bat, emakumeek ustiategi guztien %15 kudeatzen baitute.
Konferentziaren irekieran, Ramiro González Arabako diputatu nagusiak, María Begoña García Bernal Nekazaritza eta Elikadurako estatu-idazkariak eta Bittor Oroz Eusko Jaurlaritzako Nekazaritza, Arrantza eta Elikadura Politikako sailburuordeak ere hartu zuten parte.
Lehen egunean jardun ziren Álvaro Lario, Nekazaritza Garapenerako Nazioarteko Funtseko (FIDA) presidentea, eta Marcela Villarreal, Nazio Batuen Erakundeko (FAO) Aliantza eta Lankidetza Saileko zuzendaria, familia-nekazaritzak planetaren jasangarritasunean duen zeregin protagonikoari buruz.
EAEko nekazaritza-sindikatuak Gasteizko Europa Jauregi aurrean bildu ziren atzo, konferentzia abian zegoela. Martín Uriartek, Munduko Landaguneko presidentea, harrera egin zien eta aldarrikapenak jaso zituen.
AITA SANTUAREN MEZUA
Frantzisko Aita Santuak Martin Uriarte MLko presidenteari eta Munduko Landaguneko bazkide diren 35 milioi nekazari baino gehiagori zuzendutako mezuarekin abiatu zen konferentzia, irakurketa Gasteizko gotzain Juan Carlos Elizalderen eskutik heldu zen. “Goraipagarriak dira nekazaritzan diharduten familiak, haien lanak duen elkartasunagatik eta lurra lantzeko erabiltzen duten modu arduratsu eta eztiagatik ere”.
Frantzisko Aita Santuak “arnasa” eman nahi izan die alde batetik gazteei, “gazteak baitira elikaduraren etorkizunerako benetako iraultzaren ekintzaileak”, zein landa-eremuko emakumeei, “familientzako iparrorratz eta ekonomiaren garapenerako sostengu sendoa” izateagatik.
ITXIERA OSTEGUNEAN
Mahai-inguru batekin jarraitu zuen konferentziako lehen egunak, Nazio Batuen Familia-Nekazaritzaren Hamarkada martxan jarri osteko bost urteen balantzea egiteko eta lorpen eta erronkak aztertzeko aukera emanez.
Asteartean bildu ziren Familia-Nekazaritzako Batzorde Nazionalak, elkarrizketa politikoan, jasangarritasun ekonomikoan, balio-kateetan eta asoziazionismoan funtsezkoak diren eragileak, hain zuzen ere.
Hitzorduak martxoak 21erarte iraungo du, egun horretan bertan emango baitiote konferentziari itxiera Iñigo Urkullu lehendakariak eta Luis Planas Nekazaritzako ministroak.
Jarrai ezazu konferentzia zuzenean hemen.
Konferentziko argazkiak: Flicker
